Өнөөдөр 12:00 цагаас Хэвлэлийн Хүрээлэн дээр Эмэгтэйчүүдийн хорих ангид хууль бусаар 10 хүүхэд хоригдсон, хүүхдэд зориулсан 300 орчим обьект хувьчлагдсан ба хүүхдийн нийгмийн эрх ихээхэн зөрчигдөж байгаа талаар Монголын хүүхдийн язгуур эрхийг хамгаалах холбоо баримт материал дэлгэж, мэдээлэл хийнэ.

УИХ-ын гишүүн О.Баасанхүү Төрийн тусгай албан хаагчдын эмнэлгийн байрны асуудлаар Төрийн ордонд 09.30 цагт хэвлэлийн бага хурал зарлалаа.

Баянгол дүүргийн удирдлагууд 10.00 цагаас дүүргийнхээ хогийн цэгүүдэд ажиллана.

Өнөөдөр 10.00 цагт Эрүүл мэндийн сайдын зөвлөл Гэмтлийн үндэсний төвд нээлттэй хуралдана.

Өнөөдөр 11.00 цагт Үндсэн хуулийн өдрийг тохиолдуулан Үндсэн хуулийн цэцийн анхны дарга агсан Г.Совдын дурсгалын самбарыг Үндсэн хуулийн цэцийн байрны хананд байршуулна.

Өнөөдөр 11.00 цагт Авлигатай тэмцэх газраас цаг үеийн сэдвээр сэтгүүлчдэд мэдээлэл хийнэ.

Үндсэн хуулийн 21 жилийн ойд зориулан Их эзэн Чингис хааны хөшөөнд хүндэтгэл үзүүлэх ёслол ням гаригийн 11.40 цагт болно.

12.00 цагт Монголын мянганы сорилтын сангийн Эрүүл мэндийн төслөөс зам тээврийн осол гэмтлээс урьдчилан сэргийлэх кампанит ажлын нээлтэд зориулж хэвлэлийн бага хурал зарлалаа.

Эрчим хүчний яамнаас 2013 оныг Эрчим хүчний хэмнэлт-үр ашгийн жил болгон зарлаж байгаа талаараа өнөөдөр 11 цагт Төрийн ордны Г танхимд мэдээлэл хийнэ. Сайд М.Сономпил, газрын дарга нар оролцоно.