Сэлэнгэ аймаг дахь гаалийн газрын Алтанбулаг боомтоор  арванхоёрдугаар сарын 17-ны өдөр гаалиар зорчин нэвтрэх гэж байсан иргэн Б зөрчил гаргажээ. Иргэн Б-ийн цүнхнээс гаалийн байгууллагад мэдүүлээгүй 19,9 кг жинтэй ногоон саарал өнгийн чулууг Сэлэнгэ аймаг дахь гаалийн газрын гаалийн улсын байцаагч илрүүлэн саатуулжээ. Гаалийн ерөнхий газрын дэргэдэх Гаалийн төв лабораторид хураасан чулууг шинжлүүлэхэд хүчтэй серпинтинжсэн ногоон хаш болох нь тогтоогдсон байна.