Түргэн тусламжийг түргэн бус удаан тусламж гэж шүүмжилдэг. Тэгвэл Нийслэлийн түргэн тусламжийн авто баазын шинэчлэлтэд зориулж Нийслэлийн төсвийн хөрөнгөнөөс бүрэн тоноглогдсон 30 шинэ автомашиныг өнөөдөр 12 цагт Соёлын төв өргөөний үүдэнд гардуулан өгөх юм байна. Машин гардуулах ажиллагаанд Нийслэлийн Засаг дарга бөгөөд Улаанбаатар хотын захирагч Э.Бат-Үүл, Эрүүл мэндийн дэд сайд Ж.Амарсанаа, НЭМГ-ын дарга С.Туул, Нийслэлийн яаралтай түргэн тусламжийн төвийн захирал Ц.Пүрэвдаш болон албаны бусад хүмүүс оролцох юм байна.