Жил бүрийн арванхоёрдугаар сарын 7-нд мал тооллогыг орон даяар зохион байгуулдаг билээ. Энэ жилийн хувьд улсын хэмжээнд ихэнх нутгаар цасан бүрхүүл тогтож, зарим аймагт мал тооллого явуулахад хүндрэлтэй байсан ч нэгдсэн тооллого явж дуусчээ. ҮХААЯ-ны дэд сайд Ц.Тувааны хэлснээр улсын хэмжээнд нийт 40.4 сая толгой мал тоологджээ. Өнгөрсөн оны хувьд 36.3 сая мал тоологдсон бол энэ жилийн хувьд 4.1 саяар өссөн гэсэн урьдчилсан тооцоо гарсан байна.