Хорвоод мэндлээд дөнгөж нэг жил болж байгаа ч хүнд өвчиндөө шаналж байгаа Сайханбилэг хүүд туслах хандивын аян өрнөж байна. Түүнд УИХ-ын гишүүн, ЗГХЭГ-ын дарга Ч.Сайханбилэг таван сая төгрөг хандивлаж, үүрэн холбооны операторуудад мессэж  хүлээн авах тусгай дугаар нээж өгч байсан билээ. Тэгвэл өнөөдөр 12 цагт Ардчилсан намынхан элэг шилжүүлэн суулгах хагалгаанд явсан Сайханбилэг хүүд “Ялалтын мөнгөн үдэш” шинэ жилийн цэнгүүний үеэр зохион байгуулсан дуудлага худалдааны орлого болох 5 са 700 мянган төгрөгийг хүүгийн эмээ өвөөд гардуулан өгөх юм байна.