Америкийн кино академи “Оскар”-ын шагналд нэр дэвшигчдийн талаарх саналыг түүхэндээ анх удаа интернетээр авахаар шийдвэрлэсэн байна. Өнөөг хүртэл нэр дэвшүүлэх бүтээл, номинациа нэгдүгээр сарын 3-ны дотор тусгай хуудсаар шүүгчдэд хүргүүлдэг уламжлалтай байсан юм. Саналыг интернетээр авах болж байгаатай холбогдуулан санал авах хугацааг нэг хоногоор сунган нэгдүгээр сарын 4 болгож өөрчилжээ. Ингээд нэр дэвшигчдийг нэгдүгээр сарын 10-нд нийтэд зарлах юм. Кино урлагийн шилдэг бүтээлд олгодог “Оскар”-ын шагнал гардуулах 85 дахь удаагийн ёслол хоёрдугаар сарын 25-нд болно.