Жил бүрийн арванхоёрдугаар сарын 31-нд нийслэлчүүд төв талбайдаа цугларч шинэ оноо хамтдаа угтаж, оргилуун дарсаа задалдаг болоод байгаа билээ. Тиймээс нийслэлийнхэний шинэ жилийн баярын цэнгүүнийг Сүхбаатарын талбайд зохион байгуулахтай холбогдуулан, иргэдийн аюулгүй байдлыг хангах үүднээс нийслэлийн Цагдаагийн газраас Сүхбаатарын талбай орчимд хөдөлгөөний зохицуулалт хийхээр боллоо.
2012 сарын арванхоёрдугаар сарын 31-ний 22:00 цагаас 2013 оны 01 дүгээр сарын 01-ний 01:00 цагийн хооронд Сүхбаатарын талбайн баруун, зүүн хэсгийн замыг  хааж авто машин нэвтрүүлэхгүй байх юм байна. Түүнчлэн энэ үеэр автобусны 20 чиглэлд 35 автобус 23.00, 00.30 цагуудад Сүхбаатарын урд талын автобусны “А”, “Б” зогсоолоос иргэдэд үйлчлэх тухай Нийслэлийн хэвлэл мэдээллийн албанаас мэдээллээ.