Нийслэлийн прокурорын газраас АМГ-ын дарга асан Д.Батхуягт яллах дүгнэлт үйлдэж, хавтаст хэргийг нь Баянгол дүүргийн шүүхэд шилжүүлжээ. Тэрээр АМГ-ын даргаар ажиллаж байхдаа албан тушаалаа урвуулан ашиглаж, аж ахуйн нэгж байгууллагуудад хууль бусаар лиценз олгосон хэрэгт холбогдоод байгаа. Тухайлбал, Д.Батхуяг АМГ-ын Уул уурхайн кадастрын хэлстийн дарга байсан Н.Даваацогтоор “Саус Гоби Сэндс” компанийн эзэмшиж байсан лицензийг цуцлах шийдвэрийг гаргуулж, тухайн лицензээ найзынхаа “Зэлэм” компанийн нэрд хууль бусаар шилжүүлсэн гэнэ. Энэ лиценз нь 42 сая тонн нүүрсний нөөцтэй ордынх байжээ.