Найруулагч Леонид Гайдайн “Ы ажиллагаа, Шурикийн өөр адал явлууд” кинон дээр киноны гол баатар /Алексей Смирнов/  Шуриктай, эрүүлжүүлэхийн нэг нөхөр хамт ажилладаг.  Тэднийг ажилд хуваарилахад ажлын байр бүхэнд “Би очьё” гэж урагш алхаж байдгийг үзэгчид санаж байгаа байх. Үүнийг найруулагч өөрийн амьдралд тохиолдсон явдлаас санаа авч оруулжээ.

Леонид Гайдай 1942 онд цэрэгт татагдаж Монголд алба хааж фронтод бэлэглэсэн морьдыг ачиж илгээх ажил хийж явжээ. Нэг удаа тэдний ангид цэргийн зөвлөлийнхөн ирж байлдаж байгаа армид цэрэг элсүүлэх болсон байна. Офицер “Хэн их бууны ангид явах вэ” гэхэд Гайдай “Би” гэж.  Дахиад л “Хэн морин цэрэгт алба хаах вэ”, “хэн усан цэрэгт”, “Хэн тагнуулын ангид” гэсэн асуултуудад Гайдай бас л “Би” гээд байж. Цэргийн зөвлөлийн офицер тэвчээр алдаж “Нөхөр Гайдай та хүлээж бай, бүх жагсаалтыг уншаадахъя” гэсэн байна. Үүнийгээ найруулагч энэ гайхамшигтай кинондоо оруулсан нь энэ гэнэ.