Дэлхийн хамгийн халуухан поп оддын нэг Бионсе Пепси компанитай 50 сая ам.долларын сурталчилгааны гэрээ хийгээд байна. Тэрээр Пепсигийн рекламанд тоглохоос гадна энэ ундааны лаазан дээр зураг нь хэвлэгдэх юм. Бионсегийн зурагтай пепси ирэх гуравдугаар сараас Европт борлуулагдаж эхлэх бол реклам нь ирэх оны эхээр цацагдах ажээ. Пепси компани “The New York Times” сонинд гаргасан мэдэгдэлдээ Бионсе шиг дэлхийн хэмжээний одтой хамтран ажиллах болсондоо баяртай байгаагаа мэдэгдсэн байна.
Уран бүтээлээс гадна амжилттай бизнес эрхэлдэг дуучин Бионсе, түүний нөхөр Жэй Зигийн гэр бүл 775 сая ам.долларын орлоготойгоороо шоу бизнесийн хамгийн чинээлэг оддын тоонд ордог.