Жил бүрийн арванхоёрдугаар сард мал тооллого явуулдаг. Энэ сарын 7-оос орон даяар эхэлсэн уг ажлын бэлтгэлийг сайн хангасан гэж Үндэсний статистикийн хорооноос мэдээлэв. Мөн тооллогын дүнг онлайн хэлбэрээр авахаар болсон байна. Ингэснээр дүн мэдээг шуурхай гаргах боломж бүрджээ. Өнгөрсөн жил манай улс 36 сая малтай байсан бол энэ жил  50 орчим саяд дөхөж очно гэж хөдөө аж ахуйн салбарын мэргэжилтнүүд таамаглаж буй аж.