Дэлхийн хэмжээнд түргэн тусламж 5-8 минутад очих ёстой бол манайд 30 минутаас нэг цагийн хооронд очдог байна. Иймд түргэн тусламжийн  хугацааг богиносгохын  тулд Эрүүл мэндийн яамныхан Замын цагдаагийн удирдлагатай хамтран ажиллаж байгаа гэнэ. Ингэхдээ түгжрэлтэй байгаа хэсгүүдэд цагдаа зогсоох, зам тавихгүй байгаа жолооч нарт хариуцлага тооцох ажлыг хийж эхэлжээ. Түүнчлэн ямар нэгэн осол аваар гарахад цагдаагийн албан хаагчид хамгийн түрүүнд очдог. Тэд анхан шатны тусламж үзүүлж чадахгүй тул хүн амь нас эрсдэх магадлал өндөр байдаг. Иймд яамнаас Замын цагдаагийн албан хаагчдыг энэ чиглэлээр мэргэшүүлэхээр хамтран ажиллахаар болоод байна. Ирэх он дуустал нийт албан хаагчдын гуравны нэгд энэхүү боловсролыг олгохоор бэлтгэж байгаа юм байна.