ОХУ-ын Эрхүү хотын цагдаа нар Индонезийн нэгэн иргэний мөнгө, бичиг баримттай цүнхийг хулгайлсан монгол хүнийг өнөөдөр  баривчилсан байна. “Эрхүү мужийн нэг хорих ангиас суллагдсан 43 настай монгол эрийг тэр дор нь баривчилсан. Тэр нөхөр мөн л хулгайн хэргээр ял эдлээд тэр өдөр гарсан байсан” гэж цагдаагийн мэдээлэлд дурджээ. Индонезин иргэнийг эрхүүгийн нэгэн кафед ороод зөөврийн компьютер дээрээ юм хийж байхад нь хулгайч цүнхийг нь авчихсан байна. Алдагдсан эд зүйлийг эзэнд нь эргүүлэн өгч, монголын иргэнд эрүүгийн хэрэг үүсгэн шалгаж эхэлсэн байна.