Ирэх онд нийслэлийн Багахангай, Баянзүрх, Хан-Уул, Багануур, Чингэлтэй, Налайх дүүргийн нутаг дэвсгэрт 1021 иргэний эзэмшиж байгаа 70 орчим га газрыг гэр бүлийн хэрэгцээний зориулалтаар өмчлүүлэхээр болжээ. Мөн Сүхбаатар, Сонгинохайрхан, Багануур дүүргийн 34.2 га газрыг дахин төлөвлөлт хийж 512 иргэнд шинээр өмчлүүлэх юм байна. Нийслэлийн ИТХ-ын чуулганаар нийслэлийн ирэх оны газар зохион байгуулалтын төлөвлөгөөний төслийг хэлэлцэж, тухайн жилд нийслэлийн нутаг дэвсгэрт өмчлүүлэх газрын байршил, зориулалт, хэмжээг баталсан аж.