Дэлхийд тэргүүлэгч “Аpple” компани дэлхийн 56 оронд өөрийн нэрийн барааны iTunes Store дэлгүүр нээх болсноо өнөөдөр албан ёсоор  зарласны дотор Монгол багтжээ. Ингэснээр энэ компанийн дэлгүүр нийтдээ дэлхийн 119 оронд ажиллах юм.
Энд Европын Беларус, Молдав, Орос, Турк, Украин зэрэг таван орон байгаа бол Африк, Ойрхи Дорнод, Энэтхэгээс 28 орон, Азиас Балба, Казахстан, Киргиз, Узбек, Тажик, Туркмен, Папуа-Шинэ Гвиней зэрэг 11 улс байна. Латин Америк, Карибын тэнгисийн 13 орон байгаа юм.
Хөгжмийн iTunes Store дэлгүүрээр  дэлхийд нэрд гарсан EMI, Universal Music, Warner, Sony Music Entertainment болон  BMG зэрэг хөгжмийн студиудийн бүтээл, зохиомжуудыг худалдаалах юм байна. Apple-ын хэрэлэгчид энэ дэлгүүрээр борлуулах 20 сая орчим дуунаас дуртайгаа сонгон авах боломжтой болох нь.