Францын нэрт жүжигчин, дуучин орос гаралтай  Марина Владиг нас барчихлаа хэмээн твиттерээр шуугисан нь худал гэдгийг Францын Mediamass сайт мэдээллээ. “Блог, твиттерээр  тарсан Марина Влади нас барсан гэдэг мэдээлэл худал. Сандрах хэрэггүй, 74 настай жүжигчин амьд, бие нь сайн байгаа” гэж Mediamass-ын мэдээнд дурджээ.
Оросын яруу найрагч, жүжигчин, дуучин Владимир Высоцкийн сүүлчийн эхнэр байсан Марина Влади 1963 онд “Зөгийн хатан хаан ба орчин үеийн түүх” киноны дүрээрээ Каннын кино наадмын шагнал хүртэж байсан юм . Марина Влади Высоцкийн тухай дурсамжийн ном бичсэн юм.