ИНЕГ-ын газрын тусгай үйлчилгээний албаны дарга Ч.Батбаяр “Чингис хаан” онгоцны буудлын хамгаалалтын талбайд машин багтахаа больсон. Зориулалтын бус машин олон явж байна. Машин онгоц мөргөлдөх аюул тулгараад байна. Манай алба 257 албан хаагчтай атлаа бие даан үйл ажиллагаа явуулах ямар ч эрхзүйн зохицуулалт алга. 15 аймгаас гуйлга ирдэг. Гэтэл нэг сая төгрөг бол манай албан шийдэж түүнээс дээш төсөв бол ИНЕГ-аар хариуцах ёстой. Нэг саяас дээш хөрөнгө мөнгөтэй холбоотой асуудалд хариу авахын тулд 3-4 сар зарцуулж байна” гэсэн хоёр хүсэлтийг тавилаа. “Чингис хаан“ онгоцны буудлын дарга Л.Бямбасүрэн “Онгоцны буудлын талбайд олон машин байна. Нислэгийн хувийн компаниудын захирал, орлогч захирал, санхүү хариуцсан захирал, менежер гээд бүгдээрээ машинтай орж гарцгаадаг.
Талбайд ажиллаж байгаа бүх хүмүүс машинтайгаа орох сонирхолтой байгаа нь аюултай. Нислэгийн компаниудын ачааны тэрэг хүртэл тус тусдаа. Он гараад энэ тал дээр хатуу бодлого баримтална. Нэг талбайд онгоц газардаж байгаа юм чинь бүртгэлийн ажилтан, ачигч машин яагаад нэгдсэн байж болохгүй гэж” гэсэн хариу өглөө.