Сурагчдын улирлын амралт тохиож байгаа билээ. Үүнтэй холбоотойгоор интернэт кафе, компьютер тоглоомын газрууд үйлчлүүлэгчээр тасрахгүй байгаа аж. Нийслэлийн засаг даргын тамгын газраас тэдгээр газруудын ажиллах журмын төслийг боловсруулах үүргийг нийслэлийн Мэдээлэл технологийн газарт өгсөн байна.
Энэхүү үүргийн дагуу төсөл боловсруулж дуусчээ. Журамд интернэт кафе болон компьютер тоглоомын газруудын үйл ажиллагааг тус тусдаа явуулдаг, компьютер тоглоомын газруудад тусгай зөвшөөрөл олгохгүй байх, хүүхдүүдийн насны ангилалд тохирсон тоглоомуудыг тоглуулах зэргийг тодорхой тусгаж өгчээ. Өнгөрсөн жилээс интернэт кафе, компьютер тоглоомын газруудын үйлчилгээний стандартыг тогтоосон ч түүний дагуу үйл ажиллагаа явуулдаг газар цөөн. Тиймээс дээрх журам батлагдвал олон зүйлийг цэгцэлж магадгүй нь.
