Хэрвээ бүсгүй та хэвлийдээ ураг тээж яваа бол аль болох гар утсаар ярихгүй байхыг хичээгээрэй. Жирэмсэн эмэгтэйчүүд гар утас их ашигласнаар долгион нь хүүхдийнх нь тархинд нөлөөлж, бүр тархины хөгжлийг нь зогсоож ч болзошгүй болохыг Йелийн их сургуулийн Гинецологи, нөхөн үржихүйн ухааны эрдэмтэн, доктор профессор Хью Тэйлор сануулжээ. Тэрээр хээлтэй хулгануудыг туршилтад оруулахад хоногийн 24 цагийн турш гар утасны долгионы хажууд байсан зарим хулганы ухаан самуурч байсан гэнэ. Ер нь, жирэмсэн эмэгтэйчүүдийг гар утаснаас аль болох хол байхыг Blackberry, Apple зэрэг компани хүртэл хэрэглэгчдэдээ сануулдаг боловч хүмүүс төдийлэн анхаардаггүй. Гар утас хүний биед хорт хавдар үүсгэх хүртэл аюултай болохыг Дэлхийн эрүүл мэндийн байгууллагаас 2011 онд зарласан билээ.
