Баянзүрх дүүргийн 22 дугаар хорооны нутаг, Дарь-Эхийн гудамжинд оршин суух Э гэх эмэгтэйн гэрээс ЭЦГ болон тус дүүргийн Цагдаагийн хэлтсийн ажилтнууд дөрвөн мянган сум хураан авсан байна. Үүний дийлэнх нь байлдааны зориулалттай АКМ болон “Макаров” бууных, үлдсэн нь винтов, дорбинкны сум байжээ. Харин Баянгол дүүргийн Х хороололд оршин суудаг А гэх эмэгтэйн гэрээс АКМ, винтов, дорбинкны таван мянган сум хураан авсан гэнэ.
Өнгөрсөн хоёрдугаар сард Налайх дүүргийн “Хаан” банкны тооцооны төвд шунахайн сэдлээр хүн буудан хөнөөсөн  А.Бат-Ялалт гэгчийг мөрдөн шалгах явцад тэрээр  “Буу, сумаа захаас худалдан авсан” гэж мэдүүлсний мөрөөр шалгасны үр дүнд энэ бүхнийг илрүүлсэн байна.