Дэлхийн эрүүл мэндийн байгууллагын мэдээлснээр жилд 20 гаруй сая хүн Е гепатит өвчнөөр өвддөг. Хятадад газар аваад байгаа вируст гепатитын олон хэлбэрийн дотор хамгийн өргөн тархсан хувилбар нь энэ юм. Иймээс Хятадын тал энэ өвчний тархалтыг хязгаарлах талд онцгой анхаарал тавихаас өөр аргагүй болсон байна.

Шинэ вакциныг Сямэний их сургууль ба “Xiamen Innovax Biotech”-ий мэргэжилтнүүд хамтран бүтээсэн бөгөөд хоёр жилийн турш Зянсу мужийн сайн дурын 113 мянган хүн дээр туршиж үзсэний дараа ийнхүү худалдаанд гаргаж байгаа аж.

Элэгний үрэвсэл гепатит буюу манайхны хэлж заншсанаар шар өвчин нь үүсгэгчээсээ шалтгаалаад дотроо А, В, С, Е, F, G гэсэн олон янз байдаг.