Эрүүл мэндийн сайд Н.Удвал УИХ-ын эмэгтэй гишүүдийг  өөрийн яаманд  ажил хэргийн өглөөний цайнд урилаа. Тэрээр “Эрүүл чийрэг Монгол хүн” хөтөлбөрийн хүрээнд эрүүл мэндийн салбарт эрхзүйн шинэчлэл  хийхэд УИХ дахь эмэгтэй гишүүдийн санал бодлыг сонсох, улмаар дэмжлэгийг нь авах зорилгоор  уг уулзалтыг зохион байгуулжээ. Шинэчлэлийн Засгийн газрын эхний хоёр жилд багтаж энэ салбарт хэд хэдэн хууль, бодлогын баримт бичгийг шинэчлэн боловсруулах, нэмэлт өөрчлөлт оруулах саналыг УИХ-д  удахгүй өргөн  барих гэж байгаа юм.  Уулзалт, ярилцлагын үеэр хамтран ажиллах “Харилцан ойлголцлын санамж бичиг”-ийг үйлджээ. ЭМЯ-ыг төлөөлөн Эрүүл мэндийн сайд Н.Удвал, УИХ-ын эмэгтэй гишүүдийн бүлгийг төлөөлөн УИХ дахь эмэгтэй гишүүдийн бүлгийн ахлагч, УИХ-ын гишүүн Л.Эрдэнэчимэг нар гарын үсэг зурсан байна. Ажил хэргийн өглөөний цайнд УИХ-ын гишүүн  Л.Эрдэнэчимэг, З.Баянсэлэнгэ, Ц.Оюунгэрэл, Р.Бурмаа, С.Одонтуяа нар хүрэлцэн ирж эрүүл мэндийн салбарын тулгамдсан асуудлуудыг хөндөн ярилцаж санал бодлоо хуваалцлаа.