Нийслэлийн 2026 оны I ээлжийн цэрэг татлага эхэллээ
НИТХ-ын даргад Д.Ихбаярыг батламжилжээ
Улсын төсвийн төслийг боловсруулахад Үйлдвэрчний эвлэлийн санал, байр суурийг тусгаж ажиллахыг Засгийн газрын гишүүдэд үүрэг болгов
100 хувь цахилгаан хөдөлгүүртэй автомашинд ногоон улсын дугаар олгож, дугаарын хязгаарлалтад хамруулахгүй
БНХАУ-ын Цинхуа их сургуулийн удирдлагууд бүсчилсэн хөгжлийн чиглэлээр боловсон хүчин бэлтгэх, судалгааны ажилд дэмжлэг үзүүлэхээ илэрхийллээ
Дархан хотын харилцагчдад тусгайлан зориулсан “SocialPay Loves Darkhan” урамшуулал эхэллээ
“Монгол Улсын хөгжлийн 2027 оны төлөвлөгөө батлах тухай” УИХ-ын тогтоолын төсөл өргөн мэдүүллээ
Ханын материал орон сууцжуулах төсөл хэрэгжсэнээр агаар, хөрсний бохирдол буурна
Эмээлт эко аж үйлдвэрийн паркаас Шувуун фабрик хүртэлх 12.55 км авто зам барина
Сүхбаатар дүүрэг 2026 оныг “Хүүхдийн хөгжлийг дэмжих жил” болгон зарлажээ
Монгол динозаврын ясыг хар зах дээр дамладаг АНУ-ын иргэнийг баривчиллаа
Монголоос олдсон динозаврын ясыг хар зах дээр дамлан наймаалдаг Эрик Прокопи гэгч АНУ-ын иргэнийг цагдаагийнхан баривчлаад байна. АНУ-д дуудлагаар худалдаалагдсан Тираннозавр Батаарын хэргийг шалгах явцад Эрик Прокопигийн хэрэг илэрч, түүний хадгалж байсан их хэмжээний ясыг хураан авчээ. “Эрик Прокопигоос хураан авсан Тираннозавр батаарын яс бол зөвхөн мөсөн уулын орой төдий” гэж Нью-Йоркийн Өмнөд дүүргийн прокурор Прийт Бхарара мэдэгдсэнээс үзвэл Эрик Прокопи гэгч Монголын үнэт баялаг болсон эртний ховор олдворуудыг наймаалж гаршсан нэгэн бололтой.
Арилжааны палеонтологич ажилтай тэрээр www.everything-earth.com хэмээх цахим хуудсаараа дамжуулан шүр сувд, динозаврын яс зэрэг эртний ховор олдвор, байгалийн баялгийг арилжаалж, асар их ашиг олж заншсан нэгэн гэж Reuters-т мэдээлсэн байна. Тэрээр 2007 оноос хойш Монгол болон Хятадаас динозаврын яс гаргаж, дуудлагаар худалддаг байж. Э.Прокопи Тираннозавр батаараас гадна Монголоос олдсон хоёр ч өөр төрлийн динозаврын ясыг дуудлагаар худалдаасан баримт олджээ. Тухайлбал, 68 сая жилийн тэртээ Монгол газар нутагт оршин амьдарч байсан Сауролопус ангустирострис хэмээх динозаврын ясыг өнгөрсөн тавдугаар сард дуудлагаар худалдаалж, түүнийг нь Калифорнийн галлерей 75 мянган ам.доллараар худалдан авсан мэдээ байна. Уг динозаврын яс нь маш өндөр, бараг орчин үеийн автобусны хэмжээтэй гэнэ.
Үүнээс гадна 65 сая жилийн тэртээх Галлимимус болон Овираптор хэмээх жижиг динозаврын яс Бугын цав хэмээх газраас олдсон нь Эрик Прокопигийн гараар оржээ. Энэ мэтчилэн Монголын ховор олдворууд АНУ-ын захын нэг наймаачны гараар орж, түрийвчийг нь түнтийлгэж байсан баримтууд хангалттай байгаа бөгөөд нотлох баримтуудын дунд Э.Прокопигийн динозаврын ясыг Монгол дахь хайгуулын газраас өөрийн биеэр авч байгаа зургийг манай нэг иргэн гэрэл зургаар баримтжуулж өгсөн нь хүртэл байгаа аж.
Хэрэв түүний буруутайг шүүхээс тогтоовол 35 жил хүртэл хорих ялаар шийтгэх юм байна. Э.Прокопиг ийнхүү баривчилж, соёлын өвийг дамлан худалдаалах явдлыг таслан зогсоохоор ажиллаж буйд нь АНУ-ын эрх баригчдад талархаж буйгаа илэрхийлжээ.
Тираннозавр батаарын араг ясны хэсгүүд
Монголоос олдсон динозаврын ясыг хар зах дээр дамлан наймаалдаг Эрик Прокопи гэгч АНУ-ын иргэнийг цагдаагийнхан баривчлаад байна. АНУ-д дуудлагаар худалдаалагдсан Тираннозавр Батаарын хэргийг шалгах явцад Эрик Прокопигийн хэрэг илэрч, түүний хадгалж байсан их хэмжээний ясыг хураан авчээ. “Эрик Прокопигоос хураан авсан Тираннозавр батаарын яс бол зөвхөн мөсөн уулын орой төдий” гэж Нью-Йоркийн Өмнөд дүүргийн прокурор Прийт Бхарара мэдэгдсэнээс үзвэл Эрик Прокопи гэгч Монголын үнэт баялаг болсон эртний ховор олдворуудыг наймаалж гаршсан нэгэн бололтой. Арилжааны палеонтологич ажилтай тэрээр www.everything-earth.com хэмээх цахим хуудсаараа дамжуулан шүр сувд, динозаврын яс зэрэг эртний ховор олдвор, байгалийн баялгийг арилжаалж, асар их ашиг олж заншсан нэгэн гэж Reuters-т мэдээлсэн байна. Тэрээр 2007 оноос хойш Монгол болон Хятадаас динозаврын яс гаргаж, дуудлагаар худалддаг байж. Э.Прокопи Тираннозавр батаараас гадна Монголоос олдсон хоёр ч өөр төрлийн динозаврын ясыг дуудлагаар худалдаасан баримт олджээ. Тухайлбал, 68 сая жилийн тэртээ Монгол газар нутагт оршин амьдарч байсан Сауролопус ангустирострис хэмээх динозаврын ясыг өнгөрсөн тавдугаар сард дуудлагаар худалдаалж, түүнийг нь Калифорнийн галлерей 75 мянган ам.доллараар худалдан авсан мэдээ байна. Уг динозаврын яс нь маш өндөр, бараг орчин үеийн автобусны хэмжээтэй гэнэ.
Үүнээс гадна 65 сая жилийн тэртээх Галлимимус болон Овираптор хэмээх жижиг динозаврын яс Бугын цав хэмээх газраас олдсон нь Эрик Прокопигийн гараар оржээ. Энэ мэтчилэн Монголын ховор олдворууд АНУ-ын захын нэг наймаачны гараар орж, түрийвчийг нь түнтийлгэж байсан баримтууд хангалттай байгаа бөгөөд нотлох баримтуудын дунд Э.Прокопигийн динозаврын ясыг Монгол дахь хайгуулын газраас өөрийн биеэр авч байгаа зургийг манай нэг иргэн гэрэл зургаар баримтжуулж өгсөн нь хүртэл байгаа аж.
Хэрэв түүний буруутайг шүүхээс тогтоовол 35 жил хүртэл хорих ялаар шийтгэх юм байна. Э.Прокопиг ийнхүү баривчилж, соёлын өвийг дамлан худалдаалах явдлыг таслан зогсоохоор ажиллаж буйд нь АНУ-ын эрх баригчдад талархаж буйгаа илэрхийлжээ.
Б.Сэвжидмаа
Тираннозавр батаарын араг ясны хэсгүүд
0 Сэтгэгдэл
