Ганнам Стайлын халуурал үргэжилсээр. Youtube-ээс хамгийн олон “Like” цуглуулсан видеогоор шалгараад байгаа “Ганнам Стайл”-ын хөгжилтэй бүжгийг олны өмнө бүжиглэх оддын цуваа тасрахгүй л байна. Хамгийн сүүлд гэхэд “Spice Girls” хамтлагийн гишүүн Мел Би Австралийн “X Factor” шоунд оролцох үеэрээ Солонгосын рэппер  PSY-тай хамтран “Ганнам Стайл”-ыг бүжиглэж, олныг хөгжөөжээ.  Тэрээр “Ганнам Стайл”-ыг тайзан дээр бүжиглэнэ гэж охиддоо амласан учраас бүжиглэсэн гэдгээ хэлээд хэрвээ бүжиглэхгүй бол охин маань намайг “алах” байх даа гэж ярьжээ. Тэрээр мөн PSY-д хандан “Та бол домог. Тантай хамт бүжиглэсэн нь нэр төрийн хэрэг” хэмээн хэлсэн байна.