Монголын анхдагч үүрэн телефоны оператор МОБИКОМ  корпорацитай шүүхдэлцэх иргэд өдрөөс өдөрт нэмэгдэж байгаа тухай хэвлэл мэдээллийн хэрэгслээр шуугих болов. Бусдаас хэрэглэгчдээрээ тэргүүлдэг гэх тус байгууллага сүүлийн үед үйлчлүүлэгчдийнхээ халаас руу хайр найргүй ордог болсноос хүмүүсийн дунд луйварчин компани гэх яриа дэгдээд удаж байна.
Хамгийн сүүлд л гэхэд луйврын шинжтэйгээр хулхи азтан тодруулдаг гэсэн шуугиан намжаагүй л байна. Энэ тухай www.times.mn  сайтад мэдээлснээр “Мобикомын ажилтан өнгөрсөн сар руу буцаж ороод нэгэн хэрэглэгчийн төлбөр дээр дураараа нэмэн төлбөр бодож, нэхэмжилсэн байна. 99119446 дугаарын есдүгээр сарын хэрэглээний төлбөр болох 36.529 төгрөгийг ямар холбогдолгүй болох өөр хэрэглэгч “Нэткапитал” банк бус санхүүгийн байгууллагын 20128908 тоот гэрээнд оруулан тооцжээ. Уг нь санхүүгийн системд компьютер автоматаар бодоод гаргадаг байлтай. Гэтэл  энэ  систем Мобикомынхонд үйлчилдэггүй аж.
Хэрэглэгчдийг хохироосон хэрэг  үүгээр дуусахгүй.  Иргэн Г.Хажидаа “Мобиком” корпорацийг шүүхэд өгөхөөр болсон талаар бид өмнө нь мэдээлж байсан билээ. 30 мянган төгрөгийн лимит тогтоосон атал сарын төлбөр нь 60 мянга бус 600 мянган төгрөг гарсанд гайхширч, дэлгэрэнгүйг харах гээд очтол нь барьж хорьсонд тэр бухимдалтай байгаа аж.
Уг нь сая гаруй хэрэглэгчтэй Мобикомынхон энэ мэт жижиг луйвар хийхээргүй л орлоготой баймаар санагдах юм.