“Мөрөөдлийн хөлөг онгоц” телевизийн олон ангит уран сайхны киноны эсрэг тэсрэг зан ааштай ихэр ах дүүс болох Гантулга, Гарьдын дүрээр үзэгчдийн хайр хүндэтгэлийг хүлээсэн жүжигчин бол Ж.Жамъянсүрэн юм. Харамсалтай нь авьяаслаг залуу найруулагч, жүжигчин маань 2009 оноос хойш бөөрний дутагдалд орж, өнөө хүртэл хүндээр өвчлөөд байгаа юм. Түүнд бөөр шилжүүлэн суулгахгүй бол амь насанд нь аюултай гэж мэргэжлийн эмч нарын дүгнэлт гарчээ. Тиймээс гавьяат жүжигчин Л.Жамсранжав агсны ууган хүү Ж.Жамъянсүрэнгийн эмчилгээнд зориулан урлагийн анд нөхөд, ах дүүс нь “Нэгэн нарны доор” хэмээх хандивын тоглолт зохион байгуулна. Энэ сарын 6-ны өдөр “Улаанбаатар палас”-ийн концертын их танхимд болох уг тоглолтыг үзэж хайртай жүжигчнээ аврах үйлст нэгдээрэй.
Хандивын данс ХААН банк 5027613885. Харин 150100 дугаарт мессэж бичвэл хандив болон очих юм байна.