Есдүгээр сарын 27 гэдэг өдрийг хэн хүн, тэр бүрий онцлоод байдаггүй. Уг нь өнөөдрөөс 45 жилийн тэртээ намрын энэ өдөр Монголчууд гэртээ сууж байгаад мэдээллийг  дүрсээр үзэж эхэлсэн өдөр л дөө. Монголын Үндэсний телевиз байгуулагдаж, анхны нэвтрүүлгээ цацаж байсан  гэсэн үг.
Өнөөдөр гар утас, зөөврийн компьютер, iPone гарчихаад хэн дуртай нь хаа яваа газраа телевиз үзэж, интернетэд холбогдчихоод телевиз байгуулж байсныг нэг их анзаарахгүй, ач холбогдол өгөхгүй л байгаагаас биш 45 жилийн өмнө бол монгол улс, монголчуудын хувьд том дэвшил байсан юм.
Тэр хүртэл мэдээллийг нэг бол уншдаг, эсвэл сонсдог байсан бол мэдрэхүйн хоёр эрхтнээрээ /чих, нүд/ нэгэн зэрэг мэдээлэл хүлээн авна гэдэг хувь хүнийхээ хувьд дэвшил байсан бол мэдээлэл түгээх, соён гэгээрүүлэх, сурган хүмүүжүүлэх гээд тал талын шинэ боломж бий болсноороо улс оронд түүхэн дэвшил байжээ.
45 жилийн өмнө мэдээллийг дүрсээр үзүүлэх атрын анхны шанг татаж байсан Үндэсний телевиз өнөөдөр хоёр сувгаар хоногт 36 цагийн нэвтрүүлэг орон даяар цацаж, өөрийн гэсэн хууль эрхзүйн орчинтой, хараат бус, олон нийтийн үйлчилгээни й байгууллага болоод байна.
Ганц байгууллага, нэг суваг нь ч хүрээгээ тэлсээр өнөөдөр арилжааны 30 шахам телевиз араасаа дагуулан, өөрийнхөө боловсон хүчин, мэргэжилтнүүдээр хөл дээр нь босголцож, өрсөлдөөн бий болгон телевизийн урлагийг монгол орноо хөгжүүлэн явна.
Өнөөдөр Монголын үндэсний олон нийтийн телевизийн баяр, анхны нэвтрүүлгээ цацсаны нь 45 жилийн ойн өдөр.