УИХ-ын дарга Г.Занданшатарын ивээл дор зохион байгуулагдаж буй “Үндэсний бичиг соёл, номын өдрүүд-2022” арга хэмжээ буюу Номын баяр энэ жил "Илүү их уншъя" уриатайгаар Сүхбаатарын талбайд өчигдөр/2022.05.20/ нээлтээ хийсэн. Энэхүү арга хэмжээ нь бүх нийтийн уншлагыг дэмжих, номын сангийн өвийг арвижуулах, үндэсний бичиг соёлыг сурталчлах, хүүхэд залууст ном эрдмийг түгээн дэлгэрүүлэх зорилготой. Зохиолч, орчуулагч, номын худалдаа эрхлэгчид болон иргэд Сүхбаатарын талбайд 280 гаруй асарт бүтээлээ дэлгэн, энэхүү арга хэмжээнд оролцож байна. "Номын баяр" тавдугаар сарын 20-22-ны өдрүүдэд төв талбайд үргэлжлэх юм.