Өнгөрсөн амралтын өдөр автокросс уралдааны намрын нээлт,  “Хишиг арвин” компанийн 15 жилийн ойд зориулсан автомашины уралдаан нийслэлийн Хан-Уул дүүргийн нутаг дэвсгэр дэх Морин даваанд эхэлсэн ч дүнгээ гаргалгүй өндөрлөжээ. Уралдаанд авто уралдаанд 44 компанийн нисгэгчид оролцсон ч зургаан тойрог уралдах машинууд дөрөв дэх тойрогтоо явж байхад хоёр машин мөргөлдөж жолооч нар нь бэртсэний улмаас тэмцээнийг шууд зогсоосон байна. Мөргөлдсөн машин хаанахых, бэртсэн жолооч  нар хэн хэн байсан хийгээд бэртлийн нь зэргийн талаар нууцалж байгаа юм байна. Нүдээр үзсэн хүмүүсийн мэдээлснээр бэртсэн жолооч нарыг эмнэлэгт хүргэхээр авч явсан байна. Бэртлийг жолооч нарын амь насанд халгүй байсан гэлээ.