Хүнс, эм хангамж, цахилгаан дулаан, нийтийн аж ахуй болон бусад нэн шаардлагатай үйлчилгээний автомашинуудыг QR системд холбож байна гэж Улаанбаатар хотын ерөнхий менежер бөгөөд захирагчийн ажлын албаны дарга Т.Гантөмөр мэдээллээ.
Тэрээр "Ирэх даваа гарагт нэн шаардлагатай үйлчилгээнд явж буй бүх автомашинуудыг тус системд холбоод дуусчихвал тэдгээр тээврийн хэрэгслүүд тодорхой цагуудад явж, үйлчилгээ үзүүлдэг болох шийдвэрийг урьд шөнө Нийслэлийн онцгой комиссоос гаргасан.
Энэ шийдвэр өнөөдөр албажиж гарах ч өнөө өглөөнөөс эхлээд 7-17 цагийн хооронд хүнс, эм хангамж, ханган нийлүүлэлтийн тээврийн хэрэгслийг Тээврийн болон хэв журмын цагдаагийн албан хаагчид саадгүй нэвтрүүлнэ. Улаанбаатар хотод хүнсний хангамж тогтвортой байна. 390 тонн нөөцийн махныг энэ сарын 13-наас эхлэн нийслэлийн 43 цэгээр дамжуулан худалдаалсан . Одоогоор 16 аж ахуй нэгжид 4500 тонн нөөцийн махны үлдэгдэл байна" гэдийг хэллээ.
