Монгол Улсад шатахууны нөөц хангалттай байгаа учир хий хомсдол үүсгэх, худалдаалахгүй байх, үнийн нэмэгдэл хийхгүй байхыг ШӨХТГ-аас өчигдөр хатуу анхааруулсан. Улсын ерөнхий байцаагчийн албан шаардлагыг биелүүлээгүй тохиолдолд Зөрчлийн тухай хуульд заасны дагуу шийтгэл оногдуулна гэж байсан юм. Тэгвэл өчигдөр явуулсан хяналт, шалгалтаар "Магнай трейд" ХХК нь түлшний борлуулалтдаа зохиомлоор хязгаарлалт хийсэн нь тогтоогдсон тул 20,000,000 (хорин сая) төгрөгөөр торгожээ.