Цагдаагийн ерөнхий газрын албаны дарга Хурандаа Н.Лхагвасайханы мэдээллийг хүргэж байна.
Улсын хэмжээнд 63 тусгаарлах байранд 2662 иргэн байна. Тусгаарлах байр болон хоол унд голох гомдол арилсан. Харин иргэд тусгаарлах байрны дэглэм, журам зөрчсөн тохиолдол гарч байна.
Тухайлбал, Тусгаарлах 21 хоногийг 14 хоног болгох талаар иргэд санал гаргасантай холбоотой “Амар” зочид буудалд тусгаарлагдсан иргэн эмч болон онцгой байдлын алба хаагчдын тавьсан шаардлагыг зөрчин хаалгаа нээх, өрөө хооронд сэлгүүцэх зөрчил гаргасан.
Мөн “Ворлд Монголиа” зочид буудалд 10-р сарын 10-нд Токио-УБ-ын нислэгээр ирсэн хоёр иргэн согтууруулах ундааны зүйл нууж ороод, түүнийгээ хэрэглэн хамгаалалтын улаан бүсийг давж зөрчил гаргасан. Энэ мэт зөрчлүүдэд цагдаагийн байгууллагаас шалгалт явуулж, тусгаарлах байрнаас гарсны дараа Зөрчлийн хуульд зааснаар хариуцлага тооцно гэв.
