Хайртай нөхрийнхөө юм уу, эхнэрийнхээ зургийг түрийвчэн дээрээ юм уу, гар утсан дээрээ хадгалчихсан байхад хэн ч гайхахгүй. Харин дуучин Бейонсе нөхрийнхөө зургийг хумсан дээрээ тавиулж гангарчээ. 30 настай дуучин шинэ маникюрынхаа зургийг Tumblr-ийн хуудсанд тавьсан байна. Тэрээр зүүн гарынхаа долоовор хуруун дээр өөрийнхөө зургийг зуруулсан бол баруун гарынхаа яг тэр хуруун дээр хайртай нөхрийнхөө хөргийг зуруулжээ. Гэхдээ бас зүгээр ч үгүй жижигхэн алтлаг шигтгээнүүдээр тойруулсан байна. Бусад дөрвөн хурууныхаа хумсыг гүн ягаан өнгөөр будаад дээр нь бас л жижиг шигтгээнүүдээр өөрийнхөө нэрийн   “B”, “N” үсгүүдийг  дүрсэлжээ.