ЗГХЭГ-ын дарга Л.Оюун-Эрдэнэ “Найрамдал” зуслангийн газартай холбоотой асуудлаар сэтгүүлчдэд мэдээлэл өглөө.

Тэрбээр, “Найрамдал” зуслангийн газарт 100 гаруй ААН-д газар олгосон асуудлыг цэгцэлж, зөвшөөрөлгүй газар барилга байшин барьсан бол нураахаас өөр гарц байхгүй. Энэ ажлыг хийхийн тулд олон нийтийн дэмжлэг хэрэгтэй болно. Мөн Засгийн газар өнөөдөр тогтоол гаргаж, “Найрамдал” зусланг улсын төсөвт байгууллага болгож байгаа.

Мөн замбараагүй газар олголтыг цэгцлэхээр нийслэлийн ЗДТГ-тай хамтран ажиллана. Тодруулбал, нийслэлийн Засаг даргын захирамжаар Хөрөнгийн биржийн баруун талын газрыг таван жилээр Улаанбаатар хотын банкинд өгсөн бол УЭДТ-ын зүүн талын 0.04 га, МУИС-ийн өмнөх 0.12 га зэрэг нийтийн эзэмшлийн талбайд газар эзэмших зөвшөөрөл олгосноос гадна Төрийн тусгай хамгаалалт бүхий Их Тэнгэрт хувийн хэвшил хөрөнгө оруулаад барилга барьж эхэлсэн байгааг цэгцэлнэ.

Түүнчлэн аялал жуулчлалын зориулалтаар газар авчихаад орон сууц барьсан Зайсан орчмын газрыг мөн цэгцэлнэ” гэлээ.