“Эрдэнэт үйлдвэр” ХХК-д Сангийн яам, Төрийн өмчийн бодлого, зохицуулалтын газрын хамтарсан шалгалт хийсэн билээ. Тодруулбал, Төрийн өмчийн болон орон нутгийн өмчийн тухай хуулийн 66 дугаар зүйлийн дөрөв дэх заалтыг үндэслэн энэ оны хоёрдугаар сарын 1-ний өдрөөс 22-ны өдрийг дуустал Сангийн яам болон Төрийн өмчийн бодлого, зохицуулалтын газрын 12 мэргэжилтэн,  улсын байцаагч нар үйлдвэрлэл, эдийн засаг, санхүүгийн үйл ажиллагаанд шалгалт хийсэн. Энэхүү шалгалтыг Ерөнхий сайд чиглэл өгсний дагуу хийсэн байдаг. Тэгвэл Сангийн яамнаас Эрдэнэт үйлдвэрт хийсэн шалгалтыг Засгийн газар яг одоо хэлэлцэж байна.

Авлига, ашиг сонирхолын зөрчилтэй гэж үзэж болох үрэлгэн, зарлагатай асуудлууд илэрсэн хоёр хавтаст материалыг хууль, хяналтын байгууллагад шилжүүлэхээр Засгийн газраас шийдэж байгаа талаарх мэдээллийг Засгийн газрын хэвлэлийн албанаас өглөө.