Лондонгийн олимпоос Монголын баг тамирчдынхаа медалийн буухиаг эхлүүлж, жүдо бөхийн 73 кг-аас хүрэл медаль хүртсэн Г.Ням-Очир хуримын бэлтгэл хангаад амрах ч завгүй байгаа гэнэ. Түүний сүйт бүсгүй нь жүдо бөхийн -78 кг-ийн жинд зодоглодог П.Лхамдэгд юм. Тэд Бээжингийн олимпоос ч өмнө үерхэж байсан хосууд бөгөөд Лондонг хүлээж гэр бүлийн амьдралаа хойш тавьж байсан аж. Хэдийгээр хоймортоо хос медаль өлгөж чадаагүй ч олимпын хүрэл медальтай ирсэн учраас хайртай бүсгүйгээ гэргийгээ болгон галаа мануулах өдрөө  тэсэн ядан хүлээж байгаа гэнэ. Сонирхолтой нь Г.Ням-Очирын сүйт бүсгүй П.Лхамдэгд түүнээс багагүй өндөр учраас хуримын өдрөө өндөр өсгийтөөс татгалзах хэрэгтэй байх даа.