Дархан цаазат Богд хан уулын “Төр хурах-Цэцээ Гүн” чиглэлийн явган аяллын замыг тохижуулжээ. Нийт 8.5 км замд сүүдрэвч, сандал, ширээ, хашлага, гүүр, мэдээллийн самбар, Богдхан ууланд амьдардаг ан амьтдын тайлбар зэргийг байршуулсан байна.

Урд нь 2016 онд “Зайсан-Баруун ширээт” чиглэлийн явган аяллын 3.6 км замыг тохижуулсан. Эдүгээ тус чиглэлд долоо хоногт 5-10 мянган иргэн, 260-500 авто машин байнга зорчдог судалгаа бий.

Мөн 2017 онд Чингэлтэй хайрханы явган аяллын 2.2 км замыг тохижуулсан бөгөөд уг чиглэлд долоо хоногт 2 мянга орчин иргэн тогтмол аялдаг байна.