Намрын дунд шарагчин тахиа сарын, зургаан цагаан мэнгэтэй хар нохой өдөр

Аргын тооллын 10 дугаар сарын 2. Сумъяа гараг. Билгийн тооллын 12, Тооно одтой, хар нохой өдөр. Өдрийн наран 07.04 цагт мандан 18.38 цагт жаргана. Тухайн өдөр бар, морь жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, угаал үйлдэх, хүүхэд үрчлэн авах, гэр байшингийн суурь тавихад сайн. Нүүдэл суудал, хэрүүл тэмцэл хийхэд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй.