Монгол Улсад ирсэн гадаадын жуулчдын статистик мэдээлэл гарчээ. Энэ оны эхний 8 сарын байдлаар Монгол Улсад ирсэн гадаадын жуулчдын тоо 2016 оны мөн үетэй харьцуулахад нийт зорчигчдын тоо 59,962-оор буюу 15,43 хувиар өссөн байна. Харин жуулчдын тоо 57,535-аар буюу 16,94 хувиар өссөн дүн мэдээтэй байна. Мөн голлох зах зээлийн 15 орны жуулчдын тоо 1,5-28,4 хувийн өсөлттэй байгаа бол Украйнаас ирж буй жуулчдын тоо буурсан дүн гарчээ. Дээрх хугацаанд аялал жуулчлалын салбараас Монгол Улсын эдийн засагт 296 сая ам долларын орлого оруулсан байна.