БНХАУ-д суугаа ОХУ-ын Элчин сайдын яам хятадын Хэбэй мужийн Жанчхүү хотыг японы түрэмгийлэгчдээс чөлөөлсний 72 жилийн ойг тохиолдуулан тус хот  дахь Зөвлөлт-монголын дайчдад зориулсан дурсгалын цогцолборт цэцэг өргөсөн байна. Энэ талаар ОХУ-ын Батлан хамгаалах яамны Эх орноо хамгаалж амь үрэгдэгсдмийн дурсгалыг хүндэтгэх газрын тэргүүн Владимир Попов  ТАСС агентлагт мэдээлжээ.

“Энэ арга хэмжээг тус цогцолборыг бүрэн сэргээн засварлаж, энэ дайны үеэр амь үргэдсэн цэрэг дайчдын нэрсийг нэмж байрлуулсантай холбогдуулан зохион байгууллаа” гэж тэр тэмдэглэсэн байна.

Цэцэг өргөх ёслолд БНХАУ-д суугаа Тусгаар улсуудын хамтын нөхөрлөлийн орнууд болон Монгол Улсын цэргийн атташе БНХАУ-ын Гадаад хэргийн яамны төлөөлөгчид оролцжээ. Мөн тус хотыг чөлөөлөх тулаанд амь үрэгдсэн дайчдын ар гэрийнхнийг урьсан байна.