Америкийн мянга гаруй хүн Нью-Йорк хотын гудамжинд гарч жагсан ерөнхийлөгч Дональд Трампын ирэхийг хүлээж байна. Тэд Trump Tower цамхгийн дэргэд жагсан тэр хавийг бүслэн хаажээ. Жагсагчид уриа лоозон барьж ерөнхийлөгчийг гарч ирж уулзахыг шаардаж байна.

Хууль сахиулагчид энэ жагсаалыг тайван болж байна гэж мэдэгджээ. Гэхдээ цагдаагийнхан явган хүний зам дээр төмөр хаалт босгож, цагдаагийн терроризмын эсрэг хэлтсийн ажилтнууд жижүүрлэн нөхцөл байдыг хянаж байгаа юм байна.

Эсэргүүцлийн ийм жагсаал Шарлотсвилл хотод болсон эмх замбараагүй байдлын дараагаар наймдугаар сарын 13-наас эхлэн болж байгаа юм.