Хуримын даашинзны загвар хийцээрээ дэлхийг байлдан дагуулдаг загвар зохион бүтээгч Вера Вонг 23 жилийн хамт амьдарсан өөрийн нөхөр Артур Беккерээс албан ёсоор саллаа.  Шар хэвлэлүүдийн бичиж буйгаар Вера Вонг залуухан амрагтайгаа хамт амьдрахын тулд гэр бүлийн амьдралдаа цэг тавихаар шийдсэн аж.
 
Түүний амраг нь уран гулгалтын төрлөөр олимпоос алтан медаль хүртсэн тамирчин Эван Лайсачек юм. Алдарт загвар зохион бүтээгчид тамирчин тоглолтын хувцас захиалснаар тэд анх танилцсан аж. Гурван жилийн өмнөх тэр өдрөөс хойш олон хүлээн авалт, тоглолт дээр тэд хамт явах болжээ. Сарын өмнө Вера залуу эрийг Беверли Хиллс дэх өөрийн эдлэндээ урьж хамт амьдрах болжээ.