Америкмийн эрдэмтэд хачирхалтай нээлт хийснээ олонд танилцууллаа. Тэдний судалснаар таргалалт гэдэг халдварладаг гэнэ. Эрдэмтэд 5000 өсвөр насныханд хийсэн судалгааныхаа дүнд ийм дүгнэлтэд хүрчээ. Хэрвээ та мөнхийн гоолигоороо үлдэхийг хүсвэл зөвхөн спортоор хичэллээд зогсохгүй зөв хооллож бас тарган хүмүүсээс аль болох хол байхыг хичээх шаардлагатай аж. Хавайн их сургуулийн эрдэмтэд өсвөр насныхны жин хамгийн сайн найз болоод ойр байдаг хүмүүсээс нь шууд шалтгаалж байгааг судалгааны дүнд илрүүлжээ хэмээн BBC мэдээлсэн байна. Жишээ нь, 175 см өндөртэй, 66.6 кг жинтэй залуус мөн ойролцоо өндөртэй үеийнхэнтэйгээ нөхөрлөөд өөрөөс нь гурван кг илүү жинтэй байхад л дор нь ижил жинтэй болчихдог гэнэ. “ Хэрвээ та тарган найзтай бол түүний иддэгийг л иддэг. Таны эцэг их тарган бол мөн л хамт спортоор хичээллэхээс илүүтэй зөөлөн буйдандаа тухлахыг илүүд үздэг юм шүү” хэмээн АНУ-ын таргалалттай тэмцэх төвийн тэргүүн Тэм Фрай мэдэгдсэн аж.
