Хуурамч эм, вакцин худалдаалсан хэргээр нийт 350 гаруй албан тушаалтныг шийтгэнэ гэж БНХАУ-ын Төрийн зөвлөл өнгөрсөн лхаагва гарагт мэдэгдсэнийг  Хятадын төв телевиз дамжуулжээ.
“Чанаргүй вакцин эм бэлдмэлийг худалдаалж ард иргэдийн эрүүл мэндэд хортойгоор нөлөөлсөн энэ албан тушаалтнуудын заримыг нь албан тушаалаас нь халж, заримын нь тушаалыг бууруулна” гэж Төрийн зөвлөлийн албан мэдээнд дурджээ.

Хугацаа дууссан,  буруу хадгалснаас  чанар нь муудсан вакцин худалдаалсан нь хятадад дуулиан болж хууль сахиулагчдын мөрдөн шалгах явцад 192 эрүүгийн хэрэг үүсгэн 202 албан тушаалтныг баривчилсан юм. Хугацаа дууссан вакцины наймааный гол төв нь Шаньдун байсан бол хятадын өөр 20 бүс нутагт тараажээ.
 
Мөрдөн шалгах явцад 2011 оноос эхлэлтэй энэ энэ наймааны үеэр нийтдээ 310 сая юанийн буюу 47,6 сая долларын вакцин худалдаалсан гэсэн баримт илэрсэн байна.