Украины Донбасс, Луганск мужууд өөрсдийгөө албан бусаар тусгаар тогтоносон Бүгд найрамдах улс хэмээн тунхаглаад Украины засгийн газрын эсрэг зэвсэг барин тэмцэж эхэлсэн. Барууныхан эднийг Оросууд далдаас тэтгэж зэвсгээр, тусгай цэргээр хангаж, турхирч байгаа гэдэг ч оросууд үүнийг байнга няцаасаар байгаа.
Харин Луганскийн бүгд найрамдах улсын байлдаж байгаа армид оросын харьяат, интернетийн “В Контакте” сүлжээгээр олны танил болсон харгис, нацист, маньяк  залуу байлдаж байгаа нь ил болжээ.

Блогч idan сүлжээнд “Оросын Санкт-Петербургийн иргэн Алексей Мильчиков 2012 онд нохой муур алж, өөрийнхөө энэ зэрлэг үйлдлийн  зургуудыг  интернетэд оруулан “алдаршиж” байсан. Одоо энэ эрийг хаана явна гэж бодож байна. Одоо тэрээр Новороссийн иргэдийг киевийн фашист хунтаас хамгаалахаар тулалдаж явна. Ийм л байна. Эл баатрын хуудас нь https://vk.com/id106612536” гэж бичжээ.

Тэрээр энэ бичлэгтээ харгис, зандалчин маньяк  Алексей Мильчиковын хуучин болон шинэ зургууд, дүрс бичлэгийг баримт болгон тавьсан байна.
   
Нацист  туг барин сүр болж байсан энэ харгис эр яагаад украины эсрэг байлдаж эхлэв, үүн шиг  оросын хар тамхичин, архичин, эрүүгийн хэрэгтнүүд, сэтгэцийн эмгэгтнүүд Луганск, Донбасст ирж  байлдаж байгаа юм биш биз Европын шинэ фашистууд Путиныг дэмждэг болсон юмуу гээд олон асуулт гарч ирж байна хэмээн блогч бичжээ.

Өөр нэг блогч  |Kath» Mignonette|  гэгч өнөөх Милчиковын бичлэгээс иш татаж оруулсан байна. Тэнд “20 настай энэ залуу нацист бэлгэ тэмдэг бариад, хэт даврагч уриа лоозон хашгирч, тэнүүлчид, хүүхэд, амьтад алж байгаагаа хөөр бахдал болгон зургийг нь интернетэд оруулж байсан. Түүний хуудсанд “Нохой бол хүний сайн нөхөр төдийгүй амтат шорлог юм байна гэдгийг өнөөдөр мэдлээ”, “....Амьтдад нэгдүгээрт, амттай байх, хоёрдугаарт, шорлог болох, гуравдугаарт удаан амьдарч яс болон өгөрших эрх байгааг би хүндэтгэж байна”, “Тэнүүлчид, гөлөг, хүүхдийг цөөлөх хэрэгтэй. Өрөвч сэтгэлээ хойш тавьж хатуу ханд” гэсэн бичээсүүд байгаа гэнэ.

              Мильчиковын өөрийн сүлжээнд оруулсан, нохой алж байгаа зураг