Америкийн Нью-Йорк хотод агаарын тээврийн JetBlue компанийн онгоцны үйлчлэгч Марш Гей Рейнольдсийг түгээн тараах зорилгоор их хэмжээний мансууруулах бодис тээвэрлэхийг завдсан хэмээн баривчилсан байна. АНУ-ын Ерөнхий прокурорын газрын мэдээлснээр бол баасан гарагт Лос-Анжелос хотын нисэх буудалд Холбооны Тээврийн аюулгүй байдлын ажилтнууд үзлэг хийх үеэр онгоцны үйлчлэг бүсгүйн гар тээшнээс 30 кг кокаин илэрчээ.

Үйлчлэгч бүсгүй  шалгалтын бүсэд байхдаа сандралд орж, цүнхээ шүүрч аваад зугтаасан байна. Тун удалгүй үйлчлэгч бүсгүй цагдаагийнханд сайн дураараа бууж өгөн Нью-Йорк хотын Жон Кеннедийн нэрэмжит олон улсын нисэх буудалд саатуулагдсан байна.