Белгийн нийслэл Брюсселийн нисэх онгоцны буудалд хоёр ч удаа дэлбэрэлт болж 17 хүн амь алдан хэдэн арван хүн шархадлаа хэмээн ТАСС агентлаг дамжууллаа.
“Одоогийн байдлаар 17 хүн нас барж, хэдэн арван хүн шархдаад байна хэмээн аврагчид мэдээллээ. Хөнгөн бэртэл авсан хүмззсийг тоолж тооцоход хэцүү байна. Дэлбэрэлт болсон зорчигчийн танхим утаагаар дүүрээд байна” гэж гал сөнөөгчид ярьсан байна.

Белгийн Прокурорын газар нисэх буудалд болсон энэ дэлбэрэлтийг халдлага гэж хэлэхэд арай эрт байна гэж Politico сонин бичжээ. Дэлбэрэлт болохын өмнө арабаар хашгирах дуун сонсогдож гал нээсэн байна гэж Belga агентлаг мэдээлжээ.

Белгийн олон улсын нисэх буудал нь нийслэл Брюсселиэс зүүн хойш 11 км-т оршдог Кавентем хотод байрладаг. “Нисэх буудлын хүлээх танхимд хоёр дэлбэрэлт болж хүмүүс амь алдлаа. Нисэх буудлыг бүрэн бүсэлж, нисэх онгоцны болон буудлыг чиглэсэн авто машины хөдөлгөөнийг хаагаад байна. Одоогоор цагдаа, түргэн тусламж, гал унтраах машинууд л дохиогоо хангинуулан цувж байна” гэж Laatste Nieuws хэвлэл мэдээлжээ.

Британийн телевизийн Sky News сувгийн мэдээлснээр бол дэлбэрэлт америкийн American Airlines компанийн бүртгэлийн цонхны ойролцоо болсон байна. Белгийн эрх баригчид хүмүүсийг нисэх буудлаас нүүлгэн шилжүүлж байна.