Туркийн нийслэл Анкара хотын метроны Гуверпарк өртөөний гарцан дээр  13-ны ням гарагийн орой хүчтэй дэлбэрэлт болж сургуулийн олон сурагч өртсөн хэрэг гарчээ.

Нүдээр үзсэн хүмүүсийн гэрчилснээр бол нийтийн тээврийн автобус ирэх үеэр буудал дээр минижүүлсэн автомашин дэлбэрсэн байна. Энэ үеэр оросын сургуулийн элсэлтийн ерөнхий шалгалт өгөөд тарж байсан олон сурагч тэр орчимд байсан гэж Туркийн Боловсролын яам мэдээлж байна.

Маш олон хүн шархадсан гэж орон нутгийн хэвлэлүүд бичиж байгаа бол NTV телевиз “олон хүн амь үрэгдсэн” гэсэн ч тодорхой тоо дурдаагүй байна. Сүүлчийн мэдээгээр 34 хүн амь үрэгдэж, 125 хүн шархадсан гэсэн мэдээ байна. Дэлбэрэлтийн улмаас автобус шатаж, олон машин доргиж шил толь нь хагарчээ.