Умард Солонгосын удирдагч Ким Чен Ун  хэзээ ч цөийн зэвсэг хэрэглэхэд бэлэн гэж мэдэгдсэнийг хэвлэлүүд мэдээлж, Ренхап агентлаг дамжууллаа. Харин үүний хариуд Пентагон умардын цөмийн нөөцийг устгахад бэлэн гэж мэдэгджээ.

БНАСАУ-ын удирдагч бас өөрийн улсад заналхийлж байгаа аюулын эсрэг цохилт өгөхөд бэлэн байхын тулд цэргийн хүчин чадлаа эргэн харж  нягтална гэж мэдэгджээ.

Пентагон “АНУ-ын засгийн газрын байр суурь өөрчлөгдөөгүй. Бид Умард Солонгос цөмийн зэвсгээ хорогдуулах, ялангуяа тив хоорондын балистик пуужингаа цөөлөх талаар ямар ч ахиц гаргахгүй байгааг бид харж байна” гэж мэдэгдсэннийг AFP агентлаг дамжуулжээ.

АНУ-ын цэргийн төлөөлөгч “АНУ-ын хүчин  гарцаагүй тохиолдолд сүйрлийн хариу цохилт өгөхөд бэлэн” гэж хэлжээ.