Канад улс иргэдийн  хүйсийн тэгш эрхийг хангах үүднээс өөрийн сүлд дууллынхаа зарим үгийг өөрчилж магадгүй байна. Үндэсний сүлд дууллынхаа үгийг өөрчлөх хуулийн төслийг Парламентад өргөн барьсан гэж Guardian сонин мэдээлжээ.
Хуулийн төслийг санаачилсан Либерал намын гишүүн Мориль Беланже “ Канад улсыг байгуулахын төлөө тэмцэж, ажиллаж ирсэн эмэгтэйчүүдийг бид дурдах учиртай” гэж хэлжээ.
Канадын төрийн дуулалд эх орондоо хайртай “бүх хөвгүүд” гэсэн үг байдаг нь эмэгтэйчүүдийг ялгаварласан хэрэг гэж хуулийн төсөл боловсруулагч үзээд энэ үгийг “бүх иргэд” гэж өөрчлөхөөр төсөлдөө тусгажээ.  
Гэхдээ энэ нь Сүлд дууллын англи хувилбар дээр л мэдэгдэхээс биш франц эх дээрээ бол нэг их ялгаагүй, маргаан гараад байх зүйлгүй юм байна.